දේශගුණික විපර්යාස හේතුවෙන් සහල් නිෂ්පාදනයට සැලකිය යුතු ලෙස තර්ජනයක් එල්ල කර ඇති බව චීනයේ පීකිං විශ්ව විද්‍යාලයේ පර්යේෂකයන් විසින් මෙහෙයවන ලද අධ්‍යයනයකින් හෙළි වී ඇත. මෙම පර්යේෂණ පත්‍රිකාව Nature Food සඟරාවේ ප්‍රකාශයට පත් කරන ඇත.
දේශගුණික විපර්යාස හේතුවෙන් ඇති වන අධික වර්ෂාපතනය හේතුවෙන් පසුගිය දශක දෙක තුළ චීනයේ සහල් අස්වැන්නෙන් 08%ක් අඩු වී ඇති බව මෙම පර්යේෂණ වාර්තාව කියයි.
අධ්‍යයනයෙන් හෙළි වූයේ අධික වර්ෂාපතනය හේතුවෙන් ඇති වූ අස්වැන්න අඩුවීම් පසුගිය දශක දෙක තුළ අධික උෂ්ණත්වය හේතුවෙන් අඩු වූ අස්වැන්නට සාපේක්ෂව 2100 වසර වන විට 8.1% දක්වා ප්‍රක්ෂේපණය කළ හැකි බවයි.
අධික තීව්‍රතාවයකින් යුත් අධික වර්ෂාපතනය සමහර අවස්ථාවලදී සෘජුවම ශාක පටක වලට හානි කරයි. වෙනත් අවස්ථා වලදී, අධික වර්ෂාපතනය පස සෝදා හැරීම හෝ ජලයෙන් යටවීමෙන් පෝෂක අවශෝෂණය සීමා කරයි. ප්‍රජනක අවධියේදී අධික වර්ෂාපතනය සාර්ථක පරාගණය වළක්වන බවට පැහැදිලි සලකුණක් ද විය.
සහල් අස්වැන්න කෙරෙහි අධික වර්ෂාපතන බලපෑම් පිළිබඳ ක්‍රමානුකූල රූප සටහන.
චීනය පුරා වර්ෂාපතන විශ්ලේෂණයන් පෙන්නුම් කළේ අධික වර්ෂාපතනයෙන් ඇති වන භෞතික කැළඹීම් වී වගා ප්‍රදේශවලින් 47% සිට 95% දක්වා වූ කලාපයක වඩාත් තීරණාත්මක ලෙස අස්වැන්න තීරණය කරන බවයි. එය දැනටමත් අස්වැන්නෙන් දළ වශයෙන් 8%ක අඩුවීමක් පෙන්නුම් කරයි. අධ්‍යයනයේ කතුවරුන් යෝජනා කරන්නේ චීනයේ අනාගත ගොවීන්ට ආන්තික කාලගුණික සිදුවීම් වැඩිවීමෙන් අඩු බලපෑමක් ඇති කරන ප්‍රදේශ වී වගාවට තෝරා ගත හැකි බවයි.
චීනයේ ආහාර සැපයුමට බලපාන තත්ත්වයන් ලොව පුරා ආර්ථික, කෘෂිකර්මික සහ ජල භාවිතය කෙරෙහි පුළුල් පරාසයක බලපෑම් ඇති කරයි. චීනය දැනට වියට්නාමය, පකිස්ථානය, ඉන්දියාව, බුරුමය, තායිලන්තය යන රටවලින් සහල් ආනයනය කරන අතර ආසියාවේ විශාලතම සහල් ගැනුම්කරු ද වේ.
වී වගා කරන මෙම සෑම කලාපයකටම දේශගුණික විපර්යාස හේතුවෙන් ඔවුන්ගේම ගැටලු නිර්මාණය කරනු ඇත. එබැවින් මෙම බලපෑම් පිටුපස ඇති යාන්ත්‍රණයන් අවබෝධ කර ගැනීම දේශගුණය සමඟ වෙනස් වන කෘෂිකාර්මික අනාගතයක් සඳහා වඩා හොඳින් සූදානම් වීමට සියලුම ගොවීන්ට උපකාරී වේ.
https://phys.org/news/2023-05-rice-fields-extreme-due-climate.html
